تحرير الكويت

قصيدة تحرير الكويت ((زبنتي يا بعد روحي زبنتي))

بسم الله الرحمن الرحيم

من القصائد التى احبها واحب اسمعها واحب شاعرها

قصيدة الشاعر الكبير خلف بن هذال العتيبي

قصيدة قالها في دولة الكويت بعد تحريرها مباشرة ........

اتركم مع هذه المعلقة النبطية المليئة بالوصف والخيال والحقائق

زبنتي يا بعد روحي زبنتي ......... صحيح ان كنت او ما كنت كنتـي
على الحساد قري ما لبستي ......... بعد عينـي وقـرة عينـي انتـي
أضمك من ضلوعي في ضلوعي ..... ومن قلبي علـى قلبـي سكنتـي
أنا يا بنت حبي لـك تغـذى....... بحـبٍ مثـل حـب أختـي وبنتـي
رجعتي لي بعد شالوك عني ......... بعد شالـوك عنـي مـا ركنتـي
صرختي وانصلختي من يديهم ......... ولا هانوك وانهانوا لا هنتـي
أنا أحسب كل غايب ما يعود ......... أحسب انك عن العالـم ضعنتـي
وأثر ما للوليف إلا وليفه ........... قسيتـي أو علـى الاحبـاب لنتـي
أعرف انك عن العثره حصينه ..... لو انـك تنقضيـن العهـد خنتـي
قضيت سنين وأيام وليالي ......... حضينج لي ولا به يـوم شنتـي
أبا ابكي كل ما شفتك بكيتي ....... وأبا احزن كل مـا شفتـك حزنتـي
أحطك بالاخوة والمروة لثديـك ...... مـا رضـع مـن طفـل صنتـي
أجيلك وأنحني لك وارتكي لـك ...... حضنتـج بالايـادي واحتضنتـي
حميتج مثل وجهي واحتميته ......... ولا ينقص من كسوتـك سنتـي
أنا يـوم اتغـزل فيـك أحبـك ......... فتنتـي كـل عشاقـك فتنتـي
عشاشيقيك يحبون المنايا .......... على ظنـك حصلـك مـا ظننتـي
تضيق الارض طول وعرض منا ........ من الحيين ضعف اللي دفنتـي
إليا احتكت ثم اصتكت نوادي .......... نجيب القول ما نسجـل بلنتـي
لنا بالذروة العليا مقاضـب ........... علـى العـز اقترنـا واقترنتـي
وأنا أصلي يعربي يالاعربيه ......... لسانـك بالفصيحـه مـا لحنتـي
جذبت أصل العروبه يا عريبه ........ هولاكو مـا رطنلـك وارتطنتـي
عليك الله وامانه لـك ضمانـه ........ ضمنـك الله وردك وانضمنتـي
اداحم عنك بالمنكب واعدي ........ وأنا لحصانتك حصانه واحتصنتـي
وألا يا كثر مهر تطلبينه ........... ودفعتي كثر مهـرك مـا استعنتـي
عرفتيني يا بنت أو ما عرفتي ....... أنا اللي قمت لك يـوم امتحنتـي
زهمتيني وأنا في الليل نايم ........ وأخذت الوعد من راسـي قرنتـي
ثنيت الرجل من دونك وامامك ...... رهنتي لي من أصلـك وارتهنتـي
دفعت الأحمرين دون منه ......... وعلى ميـزان مـا سقتـل وزنتـي
خطفتك خطف صامل و متجري ....... كسرت السجن والله ما انسجنتي
لو اني ما تداركتك ذهبتي ......... ذهاب الكحـل الاسـود وانسحنتـي
عسى اللي مر درس تحفظينه ........ مع الايـام يبقـى مـا اختزنتـي
عرفتيني وأظن الوصف واضـح ....... فطنتـي فـي ولا مـا فطنتـي
أنا اللي جرها من كل دوله ......... دخلتـك صبـح وغبـارك مزنتـي
وأنا الي وقفتي يا بنت ساعه ........ بهالمرتاع يامـن بـي وامنتـي
فتحت البر والبحر وحميتك....... مـن الفتنـه سلمتـي مـا انفتنتـي
ولعنت اللي غدر بك واستباحك....... ولعنتي من هضـم حقـك لعنتـي
رميت عمامتي من فوق راسي .......... وعلى صوتي وترديدي زفنتـي
رحاتك تدور وانا اللي عليها .......... طحنت الحب وانتي ما طحنتـي
جمعت الناس من داخل وبرا .......... وزنتي بالتحـام الصـف زنتـي
وردت الماء وجبته من ذراعي ........ وشربتي شرب ظامي ما احتقنتي
وأخوي اخوي جـابـر ما نسيته .......... عضيدي يوم خفتي واستحنتـي
على الكرسي نشيلك شيل وارسي ........ ومن متني على متنه قطنتـي
عرفتيني ولا يجهلك عرفي ........... ابين مع الحدث من حيـث بنتـي
أنا اللي رد عن جده جميلك ....... سلف وخذيـه منـي يـوم ادنتـي
وانا ان قلت قول أصدق بقولي .........ماهوب قول الفلانـي والفلنتـي
انا الوافي فهد و اثبت وجودي ......... صحيح ان كنت أو ما كنت كنتي
__________________