خلف بن هذال

لله بمانك من النكبات تامنا

والدار بحماك تمنها وتامنها

لأوامر القائد الا على تمثلنا

أرواحنا في سبيل الله نعربنها

بقيادة الفهد شلنا الصوت وأذنا

على المنابر تلج ابنا مآذنها

وإن كان صاح الفهد صاحت قبايلنا

بالصيحة اللي جميع الكون يذعنها

صيحة ندى والفدا فن ولنا فنا

فينا فنون المعارك ونتفننها

وإليا نخانا ولي العهد ثمنا

النخوة اللي على الوقفة نثمنها

حوله ومن حول من حوله تكونا

جزمه ولزمه وضربات نعينها

وإلى اعتزى النائب الثاني تزهلنا

لمصامخ المعتدين وقصف أماكنها

والمملكة في حمانا حيث ماكنا

بالدم نسقي ثراها وانتحضنها

فرض علينا وعهد قد مضى منا

إنرد بالنار هجمات العدا عنها

صنا المشاعر عن أشرار العدا صنا

عنها الشوارب إلى فتلت نحسنها

مكة وطيبة لنا والنا وغضب النا

ترسانة الدين للعالم نترسنها

على الجزيرة بحزم وعزم هيمنا

تفخر بنا فايسر العربان وايمنها

بالعدل والعرف والحكمة تسلطنا

نترك كثير الامور ونأخذ احسنها

لاهانت بلاد اخونوره ولا هنا

الجوخه اللي لبسنا من بطاينها

دار ربتنا وضمتنا وفضلنا

الموت فيها ولا نجس يدرنها

دار على خدها الطاهر تمكنا

فيها ومن فوقها نحفظ توازنها

يا دار طير السعد والعز لك غنى

حلو الأناشيد بأصوته يلحنها

يا دار ما تقتحمك الأنس والجنا

دونك عيال تفادي عن مواطنها

ذباحة الحيل وأهل الهيل والبنا

نطاحة القوم حماية ظعاينها

بدر العازمي كتب:

مكة وطيبة لنا والنا وغضب النا

مشكور على القصيدة بس انا اشوف ان مكه لله و عبادة مي لحد غيره

تحيآتي ...

مشكور (رائد فهمت خطأ)